Өзбекстан Республикасының Президенті Шавкат Мирзиеевтің шақыруымен Франция Республикасының Президенті Эмманюэль Макронның Самарқанд қаласына екі күндік сапары аясында бірқатар екіжақты іс-шаралар өтті.
Ауқымды іс-шараларлың бірі- Самарқандта Француз альянсының филиалының салтанатты түрде лентасы қиылып, орталық ашылды.
Президенттер заманауи жабдықталған орталықтың мүмкіндіктерімен танысты. Мұнда француз тілі мен әдебиеті курстары ұйымдастырылады. Орталық француз мәдениетіне қызығушылық танытатын 200 адамды қабылдау мүмкіндігіне ие.
Альянстың Өзбекстандағы алғашқы филиалы 2015 жылы Ташкентте ашылған. Мәдениет және тіл саласындағы екіжақты алмасуды одан әрі кеңейту мақсатында жақында Самарқанд қаласында тағы бір филиал ашылды.
Француз тілі мен мәдениетін насихаттайтын бұл үкіметтік емес, коммерциялық емес ұйым 1883 жылы Парижде Жюль Верн мен Луи Пастер сияқты өз заманының танымал тұлғаларының бастамасымен құрылған.
Бүгінгі таңда әлемнің 137 елінде Француз альянсының 800-ден астам филиалдары жұмыс істейді.



















