Сирия астанасы Дамаскінің шығыс бөлігінде орналасқан Әулие Павел шіркеуінде жарылыс болды.
Еуразия Тудейдің хабарлауы бойынша, оқиға орнында 20 адам қаза тауып, 52 адам жараланды.
Sham TV телеарнасының хабарлауынша, жарылғыш құрылғыны жанкешті іске қосқан.
Al Hadath телеарнасы шабуылдаушы шіркеуде автоматтан оқ жаудырғанын да хабарлады.
Оқиға христиандар тұратын Дувейла ауданында орын алған.
Сирия билігі шабуылды “Ислам мемлекеті” ұйымы ұйымдастырды деп айыптады.
Қазіргі уақытта жарылыс болған аумақ қоршауға алынып, жараланғандар ауруханаға жеткізілуде.
Франция мен Аустрия бұл оқиғаны қатаң айыптап, мәлімдеме жасады.



















