Британдық London Post басылымы Өзбекстанда BONU AGI деп аталатын ұлттық жасанды интеллект жүйесінің іске қосылғаны туралы материал жариялады.
Еуразия Тудейдің хабарлауы бойынша, жоба дайын жаһандық жасанды интеллект платформалардың орнына, елдің мәдени, әлеуметтік және тарихи контексіне бейімделген үлгіні ұсынады.
BONU AGI Өзбекстан тұрғындарына тән қарым-қатынас стилін, сондай-ақ әмбебап жаһандық үлгілерге түсініксіз болуы мүмкін мәселелерді ойлау және тұжырымдау ерекшеліктерін дәлірек көрсетуге мүмкіндік береді.
BONU AGI жобасының авторлары — Бахтиёр Бобохонов, Сардорбек Тұрсынбеков және Отабек Сиддиков.
London Post басылымында жарияланған мақала авторларының айтуы бойынша, BONU AGI-дің іске қосылуы Өзбекстанның цифрландыру және ұлттық технологиялық құзыреттіліктерді дамыту жөніндегі кең ауқымды бағытына сәйкес келеді.
Өзбекстанның бұл тәжірибесі цифрлық егемендігін жоғалтудан қорқатын басқа мемлекеттер үшін үлгі болып, ұлттық жасанды интеллект саласындағы Жол картасына айналуы мүмкін.
Айта кетейік, Өзбекстан Президенті Шавкат Мирзиеев 2025 жылдың қазан айында жасанды интеллект саласын дамытуға 100 миллион доллар бөлуге тапсырма берген болатын.



















