Татарстан астанасында өтетін «Өзбек киносының күндері» аясында Өзбекстанның алты фильмі көрсетіледі.
Қазанда Татарстан киносының жүз жылдығын мерекелеу аясында «Өзбек киносының күндері» 13-15 наурыз аралығында ұйымдастырылып отыр. Бұл туралы Dunyo агенттігі хабарлайды.
2023 жылғы желтоқсан айында Ташкентте «Татарстан киносының күндері» өтті.
Өзбекстан тарапы сол уақытта «Татаркино» делегациясын жылы қарсы алды. Осы жолы Өзбекстан кино қайраткерлері Қазан қаласына келді.
Кинематография агенттігінің хабарлауынша, «Өзбек киносының күндерінде» «Ilhaq», «Abdulla Oripov», «O’zbek qizi», «Kim deyay seni?» және «Yasha, xotin!» көркем фильмдері көрсетіледі.
«Өзбек киносының күндері» Татарстан Мәдениет министрлігі мен «Татаркино» мемлекеттік мекемесімен бірлесе ұйымдастырылып жатыр.



















